Yoshlar g‘alaba bilan qaytdi

Sport tanani chiniqtirsa, ichki xotirjamligingizni qaytaradi. Muhimi, siz sport bilan bir butunlik hosil qila olishingiz lozim. Ana shundagina muvaffaqiyat qozonishingiz aniq. Yoshlarni sog‘lom turmush tarziga targ‘ib qilish, sportga oshno etish maqsadida turli sport musobaqalari tashkil etib kelinmoqda.
ana shunday musobaqalarda muvaffaqiyat qozongan Muzrabot tumanidagi 14-umumiy o‘rta ta’lim maktabining bir guruh o‘quvchilari “Taekvando” ITF bo‘yicha jahon chempionatida munosib ishtirok etdi.
Quvonarlisi, har bir sportchining ishtiroki besamar ketmadi, g‘oliblik pillapoyalaridan ko‘tarilishdi. Dilshod Hamrayev va Navro‘z Jumamurodovlar kumush medaliga sazovor bo‘lishgan bo‘lsa, Saidrahmon Ibrohimov oltin medal sohibi bo‘ldi.