Siz kelmang, o‘zimiz boramiz

Har doim ham sog‘ligimizga jiddiy e’tibor bermaymiz. Shamollashlarni-ku, tik oyoqda o‘tkazib yuboraveramiz. To‘shakka mixlanmaguncha yuraveramiz, yuraveramiz. Vaqtimiz yo‘qligi esa hech qanday bahona bo‘la olmasligini anglaganimizda esa kasalni o‘tkazib yuborgan yoki og‘ir holatlargacha olib kelgan bo‘lganimiz eng yomoni bo‘ladi.
Aholining tibbiy salomatligini asrash muhim, o‘zimiz e’tiborga olmasak-da, salomatlik posbonlari biz uchun qayg‘uradi. Va “Siz kelmang o‘zimiz boramiz” tamoyili asosida joylarda ko‘rikka shoshayotganliklari bizni xushyorlikka chorlasa, ajab emas. Sho‘rchi tumanidagi “Shaldiroq” mahallasida ayni tamoyil asosida chuqurlashtirilgan tibbiy ko‘rik tashkil etildi.
Chuqurlashtirilgan tibbiy ko‘rikda aniqlangan kasalliklar bo‘yicha maslahat va davolanish uchun yo‘llanmalar berildi. O‘z vaqtida o‘tkaziladigan tibbiy ko‘rikning ahamiyati shundaki, insonlarning doimo sog‘ligiga e’tiborli bo‘lishi va sog‘lom bo‘lib yurishi uchun xizmat qiladi.