O‘g‘il onasini o‘ldirsa…

Ona deganda dunyodagi eng ulug‘ zor, eng yaqin va mehribon insonimiz ko‘z oldimizda namoyon bo‘ladi. Ularga faqat va faqat yaxshilikni ravo ko‘ramiz. Bizni oq yuvib, oq taragan zotga nisbatan tuyg‘ularimiz, munosabatimiz boshqacha bo‘lishi ham mumkin emas. Boshqacha qabihlikni inson zoti qila olmaydi. Qildimi, demak u odam emas, uni hayvon ham deb bo‘lmaydi.
Afsuski, oramizda ana shundaylarning borligi bizning fojiamiz. U onasidan spirtli ichimlik uchun pul so‘radi, o‘rtada ko‘tarilgan janjal esa fojia bilan tugadi. 40 ga yaqinlashib qolgan o‘g‘il mast holatda onasi bilan janjallashib, bolta bilan urib o‘ldirdi…
Mazkur holat yuzasidan sud ishi JIB Denov tumani sudida ko‘rib chiqildi. Sud hukmiga ko‘ra, sudlanuvchi JKning 97-moddasi 2-qismi “v”, “j” bandlarida nazarda tutilgan jinoyatni sodir etganlikda aybdor deb topilib, unga nisbatan 18 yil muddatga ozodlikdan mahrum qilish jazosi ham tayinlandi. Ammo endi onasi yo‘q, qaytib kelmaydi. 18 yil panjara ortida o‘tirsa-da, bu yillar uning jinoyatini, qo‘llaridagi onasining qon izlarini yuva olmaydi. O‘ziga, o‘zligiga, jon-jigarlariga bu qilmishini qanday haspo‘shlaydi? Bu qilmishni oqlab bo‘larkanmi?
Bu kimgadir saboq, kimgadir ibrat bo‘lishi kerak. Onalarimizni asraylik, ularning borligi baxt axir.