Startaplar uchun 3D-laboratoriya ochildi

IT yosh soha bo‘lishiga qaramay, unga qiziqiuvchilar, o‘rganishga kirishganlar ko‘pchilikni tashkil etadi. Inson ongidagi g‘oyalarni hayotga tatbiq etish, ro‘yobga chiqarish imkoni tug‘ilgan bir paytda mavjud imkoniyatlardan foydalanmaslik mumkinmi?
Yurtimizda “K-Lab Uzbekistan” startaplar uchun 3D bosib chiqarish laboratoriyasi ish boshladi. Loyiha orqali 3D texnologiyalarni joriy etish va mahalliy texnologik infratuzilmani rivojlantirish maqsadlari ko‘zda tutilgan.
Loyihaning umumiy qiymati 1,6 million AQSh dollarini tashkil etadi. Loyiha Koreya Respublikasi IT sohasini rivojlantirish Milliy agentligi (NIPA) ko‘magida amalga oshirilmoqda. Uning ishga tushirilishi 3D-printer sohasida mahalliy mutaxassislarni tayyorlash imkonini beradi. Uchta startap K-Lab yordamida tashabbuslarni amalga oshirish uchun grant oldi: jamoalardan biriga 25 million so‘mdan, qolgan ikkitasining har biriga 10 million so‘mdan mablag‘ ajratildi.