20 nafar yoshga 50 sotixdan…

Bugungi kunda ishsizlik muammo emas. Yurtimizda ishsizlar bandligini ta’minlashning tizimli mexanizmi yaratilgan. Davlat rahbarining 153-sonli Qaroriga (https://lex.uz/uz/docs/-6867721) muvofiq ishsiz yoshlarga ajratilmoqda…
Bandixon tumani “Qaldirg‘och” mahallasida ham ushbu qaror asosida 20 nafar yoshga 50 sotixdan unumdor yerlar ajratilgan. Yoshlar o‘zlariga tegishli yer maydonlarida makkajo‘xori, karam, gulkaram, brokkoli, yeryong‘oq kabi sabzavot va poliz ekinlari ekib, mo‘l hosil olish niyatida mehnat qilishayotir.
Albatta, mahalla yoshlarining mehnatsevarligi, yerga bergan mehri sabab bugun ekinlar hosilga kirish arafasida. Ushbu yer maydonidan yaxshi hosil olishni maqsad qilgan Musurmon Elmurodov ham boshqa yoshlar qatori berilgan imkoniyatlardan unumli foydalanmoqda.