Oliy Majlis Qonunchilik palatasi va mahalliy Kengashlar saylovini o‘tkazish maqsadida saylovoldi tayyorgarlik ishlari boshlab yuborilgan. Saylovni risoladagidek, adolatli va shoffof tarzda o‘tkazish maqsadida biriktirilgan mas’ullardan ham yetarlicha bilim va malakaga ega bo‘lishlari talab etiladi. Shu maqsadda Termiz shahrida Oliy Majlis Qonunchilik palatasi va mahalliy Kengashlar saylovini o‘tkazuvchi tuman (shahar) hamda okrug saylov komissiyalari a’zolarini o‘qituvchi hududiy trenerlar uchun saylovga tayyorgarlik ko‘rish va uni o‘tkazishga doir o‘quv-amaliy mashg‘ulotlar o‘tkazilmoqda.
Uch kun davom etadigan mashg‘ulotlar davomida hududiy trenerlarning huquqiy savodxonligini yanada oshirish, bu yilgi saylov jarayonlaridagi yangilik va o‘zgarishlarni ularga tushuntirish ko‘zda tutilgan. O‘quv-seminarda Termiz davlat universiteti professor-o‘qituvchilari ma’ruzalar o‘qishmoqda, saylov qonunchiligidagi o‘zgartish va qo‘shimchalar, xalqaro tajriba va milliy amaliyot, saylov komissiyalari faoliyatining asosiy jihatlari haqida so‘z yuritilmoqda.
Shuningdek, uchastka saylov komissiyasining ovoz berish kunidagi faoliyati, ovozlarni sanab chiqish va bayonnomalarni to‘ldirish kabi jarayonlar amaliy mashg‘ulotlar orqali tushuntirilmoqda.
O‘quv-amaliy mashg‘ulotlar boshlandi
Date:
