Parasport musobaqasi bo‘lib o‘tdi

Jismoniy imkoniyatning cheklanganligi insonni jamiyatdan uzib qo‘ymasligi kerak. Albatta, bunda atrofdagilarning munosabati ham muhim ahamiyatga ega. Nogironligi bor yoshlarni ijtimoiy hayotga moslashtirish, sog‘lom turmush tarzini targ‘ib etish va bo‘sh vaqtlarini mazmunli o‘tkazish maqsadida turli tadbirlar uyushtirib kelinmoqda. Angor tumanida joylashgan sport maktabida “Besh tashabbus olimpiadasi” doirasida parasport musobaqasi bo‘lib o‘tdi.
Imkoniyati cheklangan yoshlar o‘rtasida o‘tkazilgan musobaqada iqtidorlilar saralandi. Yoshlar ishlari agentligi hamda “Inson” ijtimoiy xizmatlar markazi hamkorligida o‘tkazilgan musobaqada ishtirokchilar para yengil atletikada hech kimdan qolishmasligini isbotlashgan bo‘lishsa, para shaxmat, para shashkada aqliy salohiyatlarini namoyon etdilar. Parastol tennisida esa bir olam zavq va shavq ila o‘z hisoblariga ochkolar yig‘ishdi. Asosiysi, har bir ishtirokchining vaqti chog‘ o‘tdi. Yakunda gʻoliblarga sovg‘alar topshirildi.