O‘zbekiston-Hindiston qo‘shma harbiy mashg‘ulotlari Surxondaryoda boshlandi

O‘zbekiston va Hindiston Mudofaa vazirliklari bo‘linmalari o‘rtasida “Termiz” harbiy poligonida “Do‘stlik” qo‘shma harbiy o‘quv mashg‘ulotlarining beshinchi davrasi boshlandi. Bu ikki davlat o‘rtasidagi beshinchi harbiy mashg‘ulot bo‘lib, 2019-yildan buyon shu paytgacha har ikki davlatda ikki martadan o‘tkazilgan.
Avvalgilaridan farqli ravishda navbatdagi qo‘shma tadbirda tomonlarning 60 nafardan harbiy xizmatchisi ishtirok etdi. Shuningdek, quruqlikdagi qo‘shinlar vakillariga harbiy havo kuchlari mutaxassislari ham qo‘shilgan.
Mashg‘ulotlarda harbiy bo‘linmalar o‘rtasida terrorizmga qarshi birgalikda kurashish va boshqa operatsiyalarni amalga oshirishda muvofiqlashtirilgan harakatlar va jipslikni oshirishga asosiy e’tibor qaratildi. Hamkorlikdagi harbiy o‘quv mashg‘ulotlari Hindiston ommaviy axborot vositalarida keng yoritilmoqda.