Darband–Machay–Tangisar daralari bo‘ylab…

Go‘zal tabiat manzaralarini ko‘rish uchun Yevropa-yu Amerikaga borish shart emas. Surxondaryoning tog‘li hududi sanalmish Boysunga yo‘lingiz bog‘lansa, kifoya. “Boysun bahori” xalqaro folklor festivali doirasida Boysun tumanida Hayking (Hiking) ekstremal sport turi bo‘yicha tashkil etilgan turizm xizmati voha ayli-yu mehmonlarga ana shunday imkoniyatni taqdim etdi.
“Sitorai Darband” MChJ tomonidan Boysunning so‘lim go‘shalari, turistik obyektlari bo‘ylab piyoda sayohatlar uyushtirilayotir. Dastlabki piyoda sayohat Darband – Machay – Tangisar daralari bo‘ylab 10 kilometr masofada tashkil etilib, sayohatchilar tabiat qo‘ynida bahor go‘zalliklari-yu tog‘ daralarining maftunkor manzarasidan bahra olishayotir. Xo‘jamayxona bulog‘ining shifobaxsh suvidan bahramand bo‘lishayotir. Bir olam zavq-shavq olayotganlarning har birining taassuroti, fikrlari bo‘lakcha. Sayohatni ko‘ngliga tukkanlar uchun aytishimiz mumkinki, turizm xizmati davom etmoqda.