Brayl alifbosida

Qur’oni Karim mo‘min musulmonlarning muqaddas kitobi. Uni har birimiz o‘z xonadonimizda saqlagan holda mutolaaga kirishamiz. Hech bo‘lmaganda mag‘zini chaqib, hayotimizga dastur qilishga urinamiz. Ushbu muqaddas kitob e’tiqodni mustahkamlab, gunohdan tiyilish, savob ishlarga bosh bo‘lishga undaydi. To‘g‘ri, hamma ham bu hayotda bir xil imkoniyatga ega emas. Bu esa ba’zi to‘siqlarni yuzaga keltiradi.
Hamma ham kitob o‘qiy olmasligi, audio variantga murojaat qilishga majbur etar, ammo mutolaaning zavqi, aytilayotgan fikrlarning mag‘zini chaqish uchun eng maqbul variant sifatida qabul qilishadi. Saudiya Arabistoni O‘zbekistonga 50 dona brayl alifbosida chop etilgan muqaddas Qur’oni Karim kitobini taqdim etgani esa ana shundan murakkablik va to‘siqlarni bartaraf etdi.
Texnik-hamkorlik va grantlar asosida qabul qilingan ushbu muborak kitoblar O‘zbekiston Ko‘zi ojizlar jamiyatiga taqdim etilishi nazarda tutilgan. Mazkur beg‘araz yordam shaklida berilgan kitoblar 15 ming AQSH dollariga teng. Brayl alifbosidagi ushbu muqaddas Qur’on kitoblari tez kunlarda O‘zbekistonga yetkaziladi.