“Bir hudud – bir mahsulot”

Date:

Agarda bir hududda bir mahsulot yetishtirib, aholiga yetkazib hamda chetga eksport qilinsa, ichki bozor barqarorligini ta’minlansa, xalqimiz uchun qishloq xo‘jalik mahsulotlari hamyonbop narxda bo‘lardi. Qishloq xo‘jalik mahsulotlarini hajmini oshirib, ichki va tashqi bozorlarga tizimli yetkazib, serdaromad foyda ko‘rish bilan bir qatorda xalqimiz ehtiyoji uchun ham, dehqonlarimiz uchun ham samarali bo‘ladi, desak mubologa bo‘lmaydi.
O‘zbekiston Respublikasi Prezidentining 2021-yil 23-noyabrdagi PQ 20-sonli va 2022-yil 10-sentabrdagi PQ-373-sonli qarorlariga muvofiq Angor tumanining Bahor mahallasida “Bir hudud – bir mahsulot” mavzusida seminar bo‘lib o‘tdi. Seminarda viloyat hokimi Ulug‘bek Qosimov hamda qishloq va suv xo‘jaligi masalalari bo‘yicha o‘rinbosari Farhodjon Ismoilov, tuman sektor rahbarlari, viloyat, tuman tashkilotlarining mas’ullari ishtirok etdi.
Seminarda ajratilgan dehqon xo‘jaligi yer maydonlaridan serdaromad va eksportbop qishloq xo‘jalik mahsulotlarini ishlab chiqarish hajmini oshirish va kafolatli xarid qilish, ichki va tashqi bozorlarga tizimli yetkazib berish orqali oziq-ovqat xavfsizligini ta’minlash va eksport salohiyatini oshirish bo‘yicha ilg‘or tajribalarni ommalashtirish xususida so‘z yuritildi.
Shuningdek, seminarda ishtirokchilar tomonidan mahalla hududida ekilgan qishloq xo‘jaligi mahsulotlarining yetishtirilishi hamda eksport qilish jarayonlari o‘rganildi.

Dinara

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Parasport musobaqasi bo‘lib o‘tdi

Jismoniy imkoniyatning cheklanganligi insonni jamiyatdan uzib qo‘ymasligi kerak. Albatta,...

“Toza havo” oyligi: birinchi bosqich boshlandi

Insonlarga yaxshilik qilish qo‘limizdan kelmasa, yomonlik ham qilmaslikni o‘rganishimiz...

Kitoblar karvoni hududlarga yo‘l oldi

Kitob insonning eng yaxshi hamrohidir. Bejizga yosh-u keksa kitobga,...

Surxondaryoda respublika seminari o‘tkazildi

Prezidentimizning 2023-yil 16-17 noyabr kunlari viloyatimizga tashrifida respublikamizda birinchi...
KunTun
KunTun