Botir Zokirov nomidagi milliy estrada mukofoti ta’sis etiladi

San’atga, qo‘shiqchilikka qiziqqanlar uchun maydon keng. Mardi maydon bo‘lib, o‘zini sinab ko‘rishi, ovozi, iqtidorini namoyon etishi mumkin. Shu tariqa iqtidorlar kashf etilib, san’atkorlar yuzaga chiqayotir. Ana shunday yosh san’atkorlarni munosib taqdirlash, qo‘llab-quvvatlash maqsadida turli tanlovlar, tadbirlaru festivallar tashkil etilmoqda.
Vazirlar Mahkamasining “Botir Zokirov nomidagi milliy estrada mukofotini ta’sis etish to‘g‘risida”gi qaroriga muvofiq, estrada yo‘nalishida faoliyat olib borayotgan iste’dodli yosh xonandalar uchun Botir Zokirov nomidagi milliy estrada mukofotining ta’sis etilishi esa ayni tadbirlarning davomi deyish mumkin. O‘zbek estradasining asoschisi sifatida tilga olinadigan san’atkorning nomi bilan tashkil etilgan mukofotga loyiq topilish esa har bir yosh xonandaga motivatsiya berishi, yanada ruhlantirishi aniq.