Mutolaaning foydasini bilgan odam do‘stu yoriga eng yaxshi sovg‘a sifatida kitob tanlashi aniq. Yangi yil bayramini esa sovg‘a-salomlarsiz tasavvur eta olmaymiz. Surxondaryo viloyat bolalar kutubxonasida yaqinlashib kelayotgan yangi yil bayrami munosabati bilan “Yangi yilda yuz kitob” nomli tadbir tashkil etildi.
Albatta, bayram sovg‘asi sifatida kitoblarning sovg‘a qilinishi barchaning ko‘nglini xushnud ayladi. Shuningdek, tadbir davomida o‘quvchilar tomonidan tayyorlangan bayram dasturi tomoshabinlar e’tiboriga havola etildi. Ajoyib kuy-qo‘shiqlar va raqslar ko‘tarinki kayfiyat ulashgan bo‘lsa, asarlar bilan bog‘liq turli xil ertaklar hamda sahna ko‘rinishlari namoyishi o‘g‘il-qizlarni ertaklar olamiga olib tushgandek bo‘ldi.
