“Mening huquq va majburiyatlarim”

Maktab o‘quvchilari maktabda nafaqat ta’lim-tarbiya oladi, balki turli musobaqa, ko‘rik-tanlovlar, tadbir va uchrashuvlar orqali bilim-salohiyatini sinovdan o‘tkazadi, iqtidorini yuzaga chiqarib, jamiyatda faol va tirishqoq bo‘lib shakllanadi. Ularni birinchi navbatda vatanparvar, ezgulikka oshno qilib tarbiyalashda, vatan menga nima berdi deb emas, men vatanga nima berdim tamoyili ostida ulg‘ayishiga xizmat qilguvchi tadbirlarning ahamiyati katta, albatta. Ayni maqsadda umumta’lim maktablari o‘quvchilari o‘rtasida “Mening huquq va majburiyatlarim” mavzusidagi tanlovning viloyat bosqichi o‘tkazildi.
Tanlovda shahar va tuman bosqichlarida g‘oliblikni qo‘lga kiritgan jamoalar ishtirok etdi. Huquqiy bilimlarni sinovdan o‘tkazuvchi shartlarda ishtirokchi jamoalar faollik ko‘rsatib, savollarga javob berishdi. Ayniqsa, mavzuga oid sahna ko‘rinishlari barchaning e’tiborini tortdi. Natijalarga ko‘ra 1-o‘rin Boysun tumani 5-maktabning “Femida” jamoasiga nasib etdi.
Yakunda g‘olib va sovrindorlar boshqarmaning faxriy yorliq va esdalik sovg‘alari bilan taqdirlandi.