O‘zbek tilidagi adabiyotlar mobil ilovada jam

Kitob o‘qish va uqishda hislat ko‘p. Shu sababdan ham kitobxonlik targ‘ibotiga katta e’tibor qaratiladi. Kutubxonalarga kitoblar tuhfa qilinadi, kitob fondi yanada boyitiladi. Asosiysi, yoshlarni qiziqtira oladigan, o‘qishga undaydigan mazmunan boy adabiyotlarni shay qilib qo‘yish. Har doim ham kutubxonaga yoki kitob do‘koniga borishga vaqt topavermaymiz. Ana shunday paytda kitoblarning elektron variantini o‘qish anchayin qulay. Qolaversa, elektron kitoblarni istagan vaqt va holatda o‘qish mumkin.
Ayni maqsadda “Yoshlar uchun ming kitob” loyihasini amalga oshirish chora-tadbirlari to‘g‘risida”gi Prezident qarori (PQ–380-son, 28.11.2023-y.) qabul qilindi. Qarorga ko‘ra, Yoshlar ishlari agentligi tomonidan jahonda mashhur 1000 ta kitob o‘zbek tiliga tarjima qilinib, “Yoshlar uchun ming kitob” loyihasi amalga oshiriladi.