E’tiborning go‘zal namunasi

Yaqindagina respublikamizda ilk qadam sifatida “Inson” ijtimoiy xizmatlar markazi ochilgan edi. Markaz ochilishi bilan o‘z faoliyatini boshladi va aholining ijtimoiy himoyaga muhtoj qatlamini himoya qilish, kerakli yordamni ko‘rsatishga bel bog‘ladi. Markaz mutaxassislari tomonidan eng avvalo, hududlardagi nogironligi bor, imkoniyati cheklangan fuqarolarning ro‘yxati shakllantirildi.
Shundan so‘ng, amaliy ishlar boshlab yuborildi. Va Bobotog‘ hududida joylashgan “Bobotog‘” MFYda yashovchi ikki nafar jismoniy imkoniyati cheklangan fuqarolarga nogironlik aravachasi berildi. Bundan tashqari, “Obod xonadon”, “Obod ko‘cha” va “Obod mahalla” mezonlari doirasida tizimli ishlar amalga oshirilatgan “Yangi yo‘l” mahallasidagi imkoniyati cheklangan fuqarolarga reabilitatsiya vositalari topshirildi.