Bojxona boji nol stavkada

Yurtimizni yashil makonga aylantirish umummilliy harakatga aylangan, topgan bir tup ko‘chat, topa olmagan gul qadab, ushbu harakatga o‘z hissasini qo‘shib kelmoqda. Maqsad esa bitta tabiatni asrash, ekologiya sofligini saqlashda jonbozlik ko‘rsatish.
Ayni maqsadlarni ko‘zlagan holda hamda gulchilik va ko‘chatchilikri rivojlantirish yo‘lida ayrim imtiyoz va qulayliklar yaratilmoqda. Bu borada prezidentimiz tomonidan 23.10.2023-yilda qabul qilingan “Gulchilik va ko‘chatchilik sohalarini davlat tomonidan qo‘llab-quvvatlashga doir qo‘shimcha chora-tadbirlar to‘g‘risida”gi qarori dasturilamal bo‘lib xizmat qilmoqda.
Qarorga ko‘ra, 2023-yil 1-noyabrdan 2026-yil 1-yanvargacha tuganaklar, piyozboshlar, tuganaksimon ildizlar, tuganak piyozlar, ildizpoya, jumladan vegetativ tinim holatidagi, vegetasiya yoki gullash davridagi sertarmoqlari, boshqa tirik o‘simliklar (jumladan, ildizlari), qalamchalar va parxishi (TIF TN kodi 0601 va 0602) importida bojxona bojining nol stavkasi qo‘llaniladi.