Pokiston elchisi Surxondaryoga tashrif buyurdi

Xalqaro hamkorlik va tashriflar ikki tomonlama kelishuvlarga, manfaatli shartnomalar tuzilishiga xizmat qiladi. Ayni maqsadda Pokiston Islom Respublikasining O‘zbekistondagi Favqulodda va Muxtor elchisi Axmed Faruk boshchiligidagi delegatsiya Surxondaryo viloyatiga tashrif buyurdi. Delegatsiyani Surxondaryo viloyati hokimi nomidan viloyat hokimining o‘rinbosari Jo‘rabek To‘rayev hamda Termiz shahar hokimi O‘ktam To‘rayev qabul qildi.
Uchrashuvda viloyatning iqtisodiy, ijtimoiy, geografik imkoniyatlari hamda o‘ziga xos investitsiyaviy xususiyatlari, shuningdek, “Termiz xalqaro savdo markazi”da Pokiston bilan o‘zaro faol hamkorlik aloqalari to‘g‘risida so‘z yuritildi. Tomonlar o‘zaro qiziqtirgan masalalarda fikr almashib, hamkorlik yo‘nalishlarini muhokama qildilar.
Shundan so‘ng, mehmonlar Termiz xalqaro savdo markazida amalga oshirilayotgan loyihalar, xalqaro logistika markazi hamda mavjud imkoniyatlar bilan yaqindan tanishishdi. Delegatsiya a’zolarining viloyatimizga tashrifi davom etmoqda.