Yod preparatlari tarqatildi

Maktab va maktabgacha ta’lim muassasalarida yod preparatlarining bepul tarqatilishi haqida xabarimiz bor. To‘g‘ri, ko‘pchilik ota-onalar yod o‘zi organizm uchun nega kerakligini, farzandlari doimiy tarzda yod qabul qilishmasligini aytishadi. Xolbuki yod kunda qabul qiladigan taomlarimiz va osh tuzida bo‘lishi kerak va kerakli yod miqdorini ana shu yo‘l bilan orgaizmimiz o‘zlashtirishi kerak. Afsuski, dengizdan uzoqda yashaganimiz uchun ham iste’molimizdagi mahsulotlardan organizmimiz yetarlicha yod ololmaydi. Ayni shu sababdan ham yod preparatlarini bepul tarqatish ishlari boshlab yuborildi. Bunng uchun preparatning 3 oylik zaxirasi mavjud bo‘lib, respublikamizning barcha hududlariga 3-15 yoshdagi bolalarni ta’minlash imkoni mavjud. Bu prezidentimizning “Aholiga ko‘rsatilayotgan tibbiy yordam sifatini yanada yaxshilash chora-tadbirlari to‘g‘risida” 2021-yil 26-iyuldagi qarori bilan belgilab qo‘yilgan.
20-sentyabrdan Surxondaryo viloyatidagi barcha maktab va bog‘chalarda ham yod preparatlarini tarqatish ishlari boshlandi. Endilikda belgilangan talabga muvofiq har chorshanba kuni ta’lim muassasalarida 3-15 yoshdagi bolalarga yod preparatlari bepul berib boriladi. Eslatib o‘tish joizki, yod rivojlanayotgan organizm uchun eng muhim moddalardan biridir.