Insonda ishtiyoq va istak bo‘lsa, har qanday muammo va masala hal bo‘lmay qolmaydi. Shu maqsadda Surxondaryo viloyati hokimi Ulug‘bek Qosimov ham navbatdagi “Tadbirkorlar qabuli” Sherobod tumanidagi “Sherobod tekstil invest” MChJ binosida onlayn formatda o‘tkazdi. Dastlab, MChJning ip-kalava ishlab chiqarish korxonasi faoliyati bilan tanishdi. Ishlab chiqarish hajmini oshirish, energiya resurslari bilan bog‘liq muammolar o‘rganildi. Masalalarni hal etish bo‘yicha zaruriy chora-tadbirlar belgilandi.
Shundan so‘ng, hududiy studiyalar orqali davom etgan qabulda 73 nafar tadbirkorning 85 ta murojaati tinglandi. Ushbu murojaatlarning 6 tasi qabul davomida ijobiy hal etilgan bo‘lsa, qo‘shimcha o‘rganish talab qiladigan 79 ta murojaat mas’ullarga yo‘naltirilib, ijrosi nazoratga olindi.
