Bo‘sh kelishmadi

Har bir sport turining ishqibozlari va muxlislari bo‘ladi. Bo‘sh vaqtda ayni sport o‘yinlarini tomosha qilish o‘zgacha kayfiyat beradi. Kimdir futbol ligalarini o‘tkazmay tomosha qilsa, yana kimlardir boks ishqibozi. Ringga chiqqan raqiblarning o‘yin oxirida qaysi biri g‘olib bo‘lishini o‘zicha taxmin qilib, o‘yinni kuzatadi, kutilmagan zarbalar va holatlar… xullas, boks kuchlilar, mahoratlilar o‘yini.
Tojikiston Respublikasida ham boks bo‘yicha yoshlar va qizlar o‘rtasida bo‘lib o‘tgan ochiq turnir musobaqasida kuchlar sinaldi. Raqiblar bir-birlariga peshvoz chiqib, kim ustun ekanini amalda isbotladi. Albatta, yurtimiz sha’nini himoya qilgan Oltinsoy tumani sport maktabi sportchi-o‘quvchilari ham bo‘sh kelmadi. Sport maktabining o‘quvchilari bo‘lmish Ibrohim Qo‘ziboyev hamda Zohid Toshboyevlar o‘z vazn toifasida ikkinchi bo‘lgan bo‘lsa, Sharofiddin Omanaliyevga teng keladigani topilmadi va 1-o‘rinni egalladi.