Ixtisoslashtirilgan maktab tanqidiy o‘rganildi

Maktablarda o‘qish boshlanay deb turibdi. Bundan o‘quvchi-yoshlarning quvonchi va hayajoni cheksiz. Ammo, intiqlik bilan kutilganiga yarasha maktab yangi o‘quv yiliga shay bo‘lmasachi? Afsuski, shunday holatlar ham uchrab turadi.
Muzrabot tumani hokimi Abdurashid Ismailov tumandagi ixtisoslashtirilgan maktabda bo‘lib, yangi o‘quv yiliga tayyorgarlik holatini o‘rganar ekan, ushbu maktabda qurilish, ta’mirlash ishlari qoniqarsiz olib borilayotganligi, berilgan topshiriqlar ijrosi ta’minlanmaganligini tanqid qildi.
Shundan so‘ng, hokim har bir topshiriqlar ijrosi kunlik o‘rganilishini, shunda ham sustkashlikka yo‘l qo‘yilsa, javobgarlik masalasi ko‘rib chiqilishi bo‘yicha mas’ullarni qattiq ogohlantirdi. Umid qilamizki, ushbu maktabning o‘quvchilari ham hamma qatori yangi o‘quv yilini barcha shart-sharoitlari yaratilgan jonajon maktablarida boshlashadi.