BOLALARNI ShOD ETIB…

Sherobod tumanidagi “Al-amin” tantanalar saroyida karnay-surnay sadolari ostida mehmonlar kutib olindi. Barcha yuqori kayfiyatda. Ayniqsa, kecha sababchilari bo‘lmish 13 nafar to‘y bolaning xursandchiligini so‘z bilan ta’riflash qiyin. Ularning yaqinlari-yu, ota-onalari ham farzandlaridan kam quvonishmayapti. Sababi tuman sektor rahbarlarining tashabbusi va homiylar ko‘magi ila 13 nafar qorako‘zning sunnat to‘ylari o‘tkazib berildi.
Dastlab, bolajonlar bilan tuman Ichki ishlar bo‘limi binosida uchrashuv tashkil etilib, to‘yga to‘yona sifatida to‘ybolalarning sovg‘alari topshirildi. Shundan so‘ng, tumandagi Imom Abu Iso Muhammad at-Termiziy qabri ziyorat qilindi. Ezgu niyatlar qilinib, qo‘llar duoga ochildi. Sunnat to‘ylari o‘tkazilayotgan bolalarning kelajagi porloq bo‘lishligi tilandi.
Mana shunday xayrli tashabbus hududlar bo‘ylab davom etayotir.