55 ming gektar pistazorning 27 gektarigina saqlanib qolingan

Date:

“Bobotog‘” davlat o‘rmon xo‘jaligining umumiy maydoni 65 ming 732 gektar bo‘lib, 10 ta o‘rmon bo‘limidan iborat. Hududda ilgari mavjud bo‘lgan 55 ming gektar 50 yillik pistazorning hozirda 27 gektarigina saqlanib qolingan. Shuningdek, o‘rmon xo‘jaligi bo‘limidagi 38 ming gektar “tojik” kovragi o‘simligi maydonlaridan afsuski, 27,3 ming gektari yo‘qolib ketgan. Bu kabi holatlarning boshqa yo‘nalishlarda ham mavjudligi, sohaning mas’ul xodimlari, hududlarga biriktirilgan o‘rmonchilarning mas’uliyatsizligi, o‘z vazifasiga sovuqqonligi oqibatida yuzaga kelgani ayanchli. O‘z-o‘zidan bu bilan tabiatga katta zarar yetkazilgan.
Ayni jihatlarni o‘rganish maqsadida Ishchi guruh tuzildi va “Bobotog‘” o‘rmon xo‘jaligi fondidan to‘g‘ri foydalanish, o‘simlik va hayvonot dunyosini muhofaza qilish bo‘yicha tekshirish ishlari olib borildi.

Aniqlangan masalalar bo‘yicha Surxondaryo viloyati hokimi Ulug‘bek Qosimov rahbarligida “Bobotog‘” o‘rmon xo‘jaligida soha mutasaddilari, o‘rmon xo‘jaligi mas’ul xodimlari ishtirokida o‘rganish yakunlari muhokama qilindi.
Aniqlangan holat qattiq tanqid qilindi. Faoliyatida xato va kamchiliklarga yo‘l qo‘ygan, o‘z vazifasiga mas’uliyatsizlik bilan qaragan xodimlarga nisbatan javobgarlik chorasini ko‘rish bo‘yicha topshiriq berildi. Shuningdek, “Bobotog‘” o‘rmon xo‘jaligi hududida 30 ming gektar kovrak va 10 ming gektar pista plantatsiyalarini barpo etish loyihasi taqdimotlari bilan tanishildi. Loyihani sifatli, muddatida amalga oshirish, yangi ekiladigan kovrak va pista urug‘lari hamda ko‘chatlari parvarishini qat’iy nazorat qilish bo‘yicha vazifalar belgilab berildi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

G‘oliblar munosib kutib olindi

Samarqand shahri “Universiada – 2025” sport musobaqasining yengil atletika...

Maktub

"Oxirgi kunlarda kеlin judayam qoʻpollashdi. Choyimni ham yarim piyola...

Surxondaryoda qovun pishdi

Har yili erta bahordan boshlab mamlakatimiz bozorlarini turli sabzavot...

74 nafar mansabdor javobgarlikka tortildi

Surxondaryo viloyatida tadbirkorlik subyektlarining qonuniy faoliyatini qo‘llab-quvvatlash, ularning muammolarini...
KunTun
KunTun