Yangi MTT foydalanishga topshirildi

Uzun tumanining “Oq ostona” MFYda 90 o‘ringa mo‘ljallangan 31-sonli MTT foydalanishga topshirildi. Binoning ochilish marosimida tuman hokimi X.Bozorov mahalla ahlini ushbu quvonchli kun, yangi ta’lim-tarbiya maskani bilan qutladi. Shuningdek, mamlakatimizda kelajagimiz egalari bo‘lgan bolajonlarni har taraflama barkamol qilib tarbiyalash davlatimiz belgilab olgan siyosatning ustuvor yo‘nalishiga aylanganini alohida ta’kidladi.
Ushbu maktabgacha ta’lim tashkiloti zamon talablariga mos tarzda jihozlangan bo‘lib, u yerda bolalar va tarbiyachilar uchun barcha sharoitlar yaratilgan. Jumladan, binoda mashg‘ulotlar xonasi va yotoqxona, musiqa va sport zallari, oshxona, psixolog, logoped xonalari mavjud.
Kunlik mashg‘ulotlar rejasi tuzilgan. Qolaversa, har kuni vitaminlarga boy bo‘lgan ovqatlanish ratsioniga rioya etilgan holda menyu ham tuzilgan. Eng asosiysi, bolajonlar tarbiyachilar bilan bir-biridan qiziq mashg‘ulotlar orqali bilimlarini oshirsa, psixolog hamda logopedlar ham bolajonlarning ruhiyatida va nutqi ravon bo‘lishi uchun muntazam ravishda shug‘ullanib borishadi.