Surxondaryo sharafini munosib himoya qilib…

Xorijiy tillarni bilish muhim. Shunday ekan, til o‘rganishga maktab davridanoq kirishilsa, natijaga erishish oson kechadi. Bunda o‘qituvchi-pedagoglar mehnatini, o‘quvchilar intilish va harakatlarini ayamasliklari lozim. Maktablarda xorijiy tillarning o‘qitilishini baholash maqsadida esa O‘zbekiston Respublikasi Prezidenti sovrini uchun “Xorijiy tillarni o‘qitish bo‘yicha eng yaxshi maktab” ko‘rik-tanlovi o‘tkazilayotganidan xabardormiz.
Tanlovning hududiy bosqichlari o‘tkazilib, Surxondaryo viloyatida xorijiy tillarni o‘qitish bo‘yicha eng yaxshi maktab Termiz shahridagi 9-maktab deb aniqlanib, ushbu tanlovning respublika bosqichiga ishtirok etayotir.
Qur’a tashlash natijalariga ko‘ra, surxondaryolik jamoa 3-raqamda ishtirok etadigan bo‘ldi. Viloyatlardan ishtirok etayotgan jamoalarning xorijiy tillarni nechog‘lik bilishlarini aniqlash maqsadida berilgan shartlardan birma-bir o‘tish jarayonlari boshlab yuborildi. Umid qilamizki, Termiz shahridagi 9-maktab jamoasi Surxondaryo sharafini munosib himoya qilib, respublika bo‘yicha xorijiy tillarni o‘qitish bo‘yicha eng yaxshi maktab deb topiladi.