Surxondaryolik fermer va dehqonlarning tajribasi-yu bilimlari, mehnatkashligi, cho‘pni-da yerga qadab, nihol undirishga qodir ekani haqida to‘lqinlanib, qayta-qayta va maqtanib so‘zlaymiz. Bu tajriba esa ayni mavsumda o‘z kuchini ko‘rsatayotganini, dalalarda paxta gullab, oq oltinlar lo‘ppi-lo‘ppi bo‘lib ochilayotgani xabarini berishga ham ulgurdik. Gapimizning shu joyida ammo deyishga, majbur bo‘lamiz.
Sababi, Bandixon tumanida “Chorvador” fermer xo‘jaligi dehqonlari 20 gektar yerga chigit qadab, undan mo‘l hosil olish niyatida edilar. Ammo, tumandagi mutasaddilarning bee’tiborligi, ayrim fermer xo‘jaliklari ekinlariga suv bermasligi oqibatida yetishtirilayotgan paxta suvsizlikdan qurib qovjirab borayotir.
Afsuski, fermerlarning bu yilgi hosildan umidi uzilgan. Chunki paxtaning guli to‘kildi…
Paxta-2023: bu yilgi hosildan umid uzilgan
Date:
