Tayyorgarlik avjida

O‘quvchi-yoshlar uchun yozgi ta’til ayni dam olish vaqti bo‘lsa, maktablarda esa yangi o‘quv yiliga tayyorgarlik davri boshlab yuborilgan. Maktab direktorlari boshliq pedagoglar jamoasi maktablar, sinfxonalarni ta’mirlab, kerakli jihozlar bilan jihozlayotgan bo‘lishsa, boshqa tomondan o‘quvchilarga puxta bilim, ta’lim-tarbiya berish borasida ham hozirlik ko‘rishyapti.
Qumqo‘rg‘on tumanidagi umumta’lim maktablarida ham 2023-2024-o‘quv yili uchun tayyorgarlik jarayonlari, 1-sinf o‘quvchilarini maktabga tayyorlash borasida qanday ishlar olib borilayotganligini bilish maqsadida tumandagi 24-sonli umumta’lim maktabida amaliy seminar bo‘lib o‘tdi. Unda tuman maktabgacha va maktab ta’limi bo‘limi boshlig‘i, maktab hamda maktabgacha ta’lim direktorlari ishtirok etdi. Aytsh kerakki, seminardan ko‘zlangan asosiy maqsad tumandagi barcha umumta’lim maktablarida 1-sinf o‘quvchilarini maktabga tayyorlash va ularning bilimlarni oshirishdir.