32 ta damasdan biri Denovga berildi

Tinch va osuda yurtga bayramlar, to‘y-u tomoshalar yarashadi. Shukrki, turli sana munosabati bilan tez-tez bayram va tadbirlar uyushtirilib, yoshlar, xususan keng jamoatchilik vakillari jalb etilib turiladi. Ana shunday tadbirlarni tashkil etishda, albatta, tashkiliy ishlar, u yoki bu vositalarni tashish, joylashtirish kabi jihatlar muammoga aylanib qoladi. Sababi tashkilotchilarning hammasida ham zaruriy transport vositalari yetarli emas.
Ana shunda jihatlarni inobatga olgan Madaniyat va turizm vazirligi tomonidan 32 ta “Damas” avtomobili xarid qilinib, respublikamizning 32 ta tuman (shahar) madaniyat va turizm bo‘limlariga topshirilgani esa quvonchli voqea bo‘ldi.
Mazkur transport vositasi Denov tumani madaniyat va turizm bo‘limiga ham berildi. Ushbu transport vositasi hududlarda o‘tkaziladigan madaniy-ma’rifiy tadbirlar sifatining yuksalishiga xizmat qiladi.