Sho‘rchi tumanidagi “Polvontosh” massivida Vetnam tajribasi asosida ming gektarda tut plantasiyalarining tashkil etilishi ipakchilik sohasida tashlangan katta qadam deyish mumkin. Ipak qurti uchun asosiy ozuqa manbai bo‘lib xizmat qilguvchi tut barglarini yetkazib berishni maqsad qilgan ushbu tut plantatsiyasi qisqa muddat ichida nafaqat ehtiyoj va talabni qondiradi balki, yangi ish o‘rinlarining yaratilishi bilan ham e’tirobrga molik loyiha deyish mumkin.
Surxondaryo viloyat hokimi hamda Ipak va jun sanoatini rivojlantirish qo‘mitasi tashabbusi bilan 1000 gektar yer maydonida tut plantasiyasi tashkil etish rejalashtirilgan bo‘lib, hozirgi kunga qadar amaliy harakatlar boshlab yuborilgan. 2,5 kilometr uzunlikdagi ariqlar qazilib, yangi quvurlar yotqizish ishlari bajarilgan. Joriy yilning kuz mavsumida yana 450 gektar yer maydoniga 1,1 million tut ko‘chati ekiladi. 3 yildan so‘ng hosilga kiradigan katta maydondagi tutzordan 2 250 tonna tut bargi hosili olinadi.
Vetnamlik investorlar tomonidan ipak mahsulotlarini qayta ishlash korxonasini ishga tushirilishi natijasida esa 600 ta yangi ishchi o‘rni yaratiladi hamda yiligi 1,0 million dollarlik mahsulot eksport qilinadi.
H.Kamolova
