Prezident qaroriga (https://president.uz/uz/lists/view/6003) asosan, bir guruh iqtidorli qizlar Zulfiya nomidagi Davlat mukofoti bilan taqdirlandi. Ular orasida quyidagi surxondaryoliklar ham bor:
Ilmatova Rinata Rinatovna — Termiz davlat pedagogika institutining 1-bosqich magistranti;
Mirzayeva Sadoqat Husniddin qizi — Surxondaryo viloyati Sherobod tumanidagi 50-umumiy o‘rta taʼlim maktabining 11-sinf o‘quvchisi.
Sovrindorlik diplomlari va ko‘krak nishonlari 8-mart – Xalqaro xotin-qizlar kuni munosabati bilan Toshkent shahrida o‘tkaziladigan bayram tantanalarida o‘z egalariga topshiriladi.
Zulfiya nomidagi Davlat mukofoti sovrindorlarining har biriga bazaviy hisoblash miqdorining 50 baravari (13,5 million so‘m) miqdorida pul mukofoti beriladi.
surxontongi.uz
