“O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi O‘zbekiston Respublikasi Konstitutsiyaviy Qonuni loyihasi bo‘yicha umumxalq muhokamasi ketayotgan bir davrda voha ahlidan munosib ishtirok va davr talabiga mos qo‘shimchalar kiritishda faollik ko‘rsatishlari kutilayotir.
Angor tumani hokimligi majlislar zalida “O‘zbekiston Konstitutsiyasi – mening Konstitutsiyam” mavzusida bo‘lib o‘tgan yig‘ilishda ham ayni shu jihatlarga e’tibor qaratildi. Shuningdek, amaldagi Konstitutsiyani yanada takomillashtirish bo‘yicha ko‘plab taklif va mulohazalar asosida e’lon qilingan loyiha targ‘iboti bo‘lib o‘tdi.
Aytish kerakki, loyihaga ko‘ra, hujjatning muqaddima qismi va 59 ta moddasiga o‘zgartirish va qo‘shimchalar, 6 ta yangi moddalar kiritilishi rejalashtirilayotir.
Yig‘ilish yakunida, kiritilayotgan o‘zgartirishlar va qo‘shimchalar bo‘yicha bo‘lgan savol-javoblar barcha tushunmovchiliklarga oydinlik kiritdi.
S.Davlatova
