Denov tumani hokimi Anvar Normamatov boshchiligida, nuroniylar, yoshlar hamda keng jamoatchilik vakillari ishtirokida “Buyuk Ipak yo‘li” mahallasida yangi o‘quv markazining tantanali ochilish marosimi bo‘lib o‘tdi.
Mazkur o‘quv markazi tashabbuskor Umirov Abdullo Abdumalikovich tomonidan “Ko‘mak” loyihasi doirasida taqdim etilgan 130 million so‘mlik ssuda mablag‘lari hisobidan tashkil etildi. Ingliz tili fani bo‘yicha oliy ma’lumotga ega bo‘lgan tashabbuskor tomonidan markazda yoshlarning sifatli ta’lim olishi uchun barcha zarur shart-sharoitlar yaratildi.
Tadbir davomida markazda yaratilgan shart-sharoitlar bilan tanishilib, yoshlarni qo‘llab-quvvatlash, ularning ta’lim olishi va o‘z salohiyatini ro‘yobga chiqarishi yo‘lida amalga oshirilayotgan bunday tashabbuslarning ahamiyati alohida ta’kidlandi.
