Termiz shahridagi Yoshlar markazida “Imkoniyat cheklanmagan” aksiya-yarmarkasi yuqori saviyada tashkil etildi. Tadbir doirasida imkoniyati cheklangan yoshlarning qo‘l mehnati mahsulotlari ko‘rgazma-yarmarkasi o‘tkazilib, ularning ijodiy ishlari mutaxassislar tomonidan baholandi. Ishtirokchilar o‘z iste’dodi va mahoratini namoyish etib, tayyorlagan mahsulotlarini keng jamoatchilikka taqdim etdilar.
Tadbir yakunida barcha ishtirokchilarga tashakkurnomalar va esdalik sovg‘alari topshirilib, ularning mehnati munosib e’tirof etildi.
“Imkoniyat cheklanmagan” aksiya-yarmarkasi imkoniyati cheklangan yoshlarni qo‘llab-quvvatlash, ularning iste’dod va salohiyatini keng targ‘ib etish hamda jamiyatdagi faolligini oshirishga xizmat qildi.
