Arslonbek bo‘sh kelmadi

Sport insonning o‘ziga bo‘lgan ishonchni oshiradi. Jismonan barkamol bo‘lishiga zamin hozirlaydi. Albatta, bularning ortida tinimsiz mehnat, zahmatlar, harakatlar mujassam. Poytaxtimiz Toshkent shahridagi “Unversal” sport saroyida Dzyudo bo‘yicha o‘smirlar va yoshlar o‘rtasida bo‘lib o‘tgan Osiyo ochiq kubogi musobaqasida o‘ziga nisbatan ishonchi baland sportchi-yoshlar ishtirok etdi.
Maydonga tushganlar bor kuchini, mahoratini ishga solib, tomoshabinlarning olqishlariga sazovor bo‘ldi. Jarayonni kuzatish maroqli bo‘ldi. Kuchlilar orasida arslondek ajralib turgan surxondaryolik Arslonbek Qodirov ham bo‘sh kelmadi. Barcha raqiblari ustidan g‘alaba qozonib, 1-o‘rin bilan oltin medalga munosib ko‘rildi.