Navro‘z – bu yangilanish, yasharish va go‘zallik, tinchlik, totuvlik, farovonlik bayramidir. Xalqimiz asrlar davomida odamlarni ma’nan birlashtiruvchi, ularning qalbida ezgu fazilatlarni yanada mustahkamlovchi, insoniylik, mehr-muruvvat g‘oyalarini o‘zida mujassam etgan Navro‘zni qut-baraka va to‘kinchilik bayrami sifatida keng nishonlab kelmoqda.
Ayni damda Termiz tumanida nishonlanayotgan Navro‘z sayli shodiyonalari xalqimizga katta quvonch va xursandchilik ulashmoqda. Tadbirda poytaxtimizdan tashrif buyurgan taniqli estrada yulduzlari — “Via Marokand” guruhi va Shoxruhxon o‘zlarining kuy-qo‘shiqlari bilan xalqimizga ko‘tarinki hushkayfiyat bag‘ishladi.
Bundan tashqari bayram tantanalarida xalq o‘yinlari musobaqalari, hunarmandchilik bahoriy milliy taomlar ko‘rgazmalari tashkil etilgan.
Dinara Mahmudova
