TerDU talabasi xalqaro turnir g‘olibi

Nafaqat yutimizda, balki qo‘shni davlatlarda ham ayni bahor, Navro‘z ayyomi arafasida kurash turnirlari o‘tkazilib, qardosh ellarning polvonlari bir maydonda jam bo‘lishlari maqsad qilinadi. Tojikiston Respublikasida ham “Dushanbe shahar hokimi kubogi” uchun sportning “G‘ushtingiri” milliy kurash turi bo‘yicha V xalqaro turniri bo‘lib o‘tdi. Musobaqada 40 ga yaqin davlatdan 200 dan ortiq sportchilar ishtirok etib, o‘z mahoratini namoyish etdi.
Har yili an’anaviy tarzda o‘tkazib kelinayotgan ushbu turnir har yilgidan-da yuqori saviyada tashkil etildi. E’tiborlisi, unda Termiz davlat universiteti talabasi Shermuhammad Jandreyev +86 kilogramm vazn toifasida qatnashib, mutlaq go‘lib bo‘ldi. G‘olib sovrin jamg‘armasidan 10 ming AQSH dollarini qo‘lga kiritdi.