“Yashil makon” umummilliy loyihasiga start berildi

Tabiatni asrash, atrofimizni yashil olamga aylantirish maqsadida yosh-u keksa qo‘lni-qo‘lga berib harakatni boshlagan. Bu yo‘lda “Yashil makon” umummilliy loyihasi qo‘l kelmoqda. Termiz davlat universitetida ham professor-o‘qituvchilar va talaba-yoshlar tashabbusi bilan “Yashil makon” umummilliy loyihasi doirasida hashar tashkil etildi.
Universitetda 250 ta manzarali va 50 ta mevali daraxtlar ekilib, hudud atrofi obodonlashtirildi. Unda universitet rahbariyati xodimlari, professor-o‘qituvchilar, tyutor va talaba-yoshlar faol ishtirok etishdi. Yaxshi niyat bilan yerga qadalgan ko‘chatlar qisqa muddatda gurkirab yashnab, soyasi va mevasi bilan ko‘pchilikka xizmat qiladi.