Ombudsmanga davlat organlari va idoralari hamda nodavlat notijorat tashkilotlari vakillari bilan hamkorlikda qabul qilinayotgan normativ-huquqiy hujjatlardan aholining xabardorligini oshirish, barcha sohalarda, jumladan inson huquqi va erkinliklari sohasida olib borilayotgan tub o‘zgarishlar to‘g‘risida axborot berish, shuningdek, mahallalarda targ‘ibot-tashviqot ishlarini olib borish vazifasi yuklatilgan.
Shu maqsadda keyingi yillarda qabul qilingan qonunlar va boshqa qonunchilik hujjatlarining mazmun-mohiyatini, xususan “O‘zbekiston – 2030” strategiyasining maqsad va vazifalari, “Inson huquqlari umumjahon deklaratsiyasi”ning ahamiyati, davlat hisobidan yuridik yordam ko‘rsatish, ijtimoiy himoya masalalarini keng jamoatchilikka yetkazish orqali ularning xabardorligini oshirish maqsadida Ombudsman tomonidan Termiz shahridagi 26-sonli umumiy o‘rta ta’lim maktabida “Ombudsman maktabi” tadbiri o‘tkazildi.
Termiz shahar adliya bo‘limi, oila va xotin-qizlar bo‘limi, “Nuroniy” jamg‘armasi, Byujetdan tashqari pensiya jamg‘armasi bo‘limi mas’ul xodimlari, hokim yordamchilari hamda mahalla faollari va o‘qituvchilar ishtirok etdi. Tadbir davomida Termiz shahar hokimi O‘ktam To‘rayev so‘zga chiqib, ombudsmanga davlat organlari va idoralari hamda nodavlat notijorat tashkilotlari vakillari bilan hamkorlikda qabul qilinayotgan normativ-huquqiy hujjatlardan aholi xabardorligini oshirish, barcha sohalarda, jumladan inson huquqi va erkinliklari sohasida olib borilayotgan tub o‘zgarishlar to‘g‘risida nutq so‘zladi.
S.Itolmasova,
N.Muhibulloyev
(surat)
