O‘zbekiston Respublikasi Ichki ishlar vazirligi ishchi guruhi tomonidan Surxondaryo viloyatida aholini suyultirilgan gaz bilan ta’minlash holati va yetkazib berish jarayonlari o‘rganildi.
Dastlab, “Hududgaz Surxondaryo” gaz ta’minoti filialida tashkil etilgan suyultirilgan gaz yetkazib berish bo‘yicha hamkorlikdagi tezkor shtab faoliyati bilan tanishildi. O‘rganish davomida gaz ta’minotining amaldagi holati, yetkazib berish tizimi va aholi murojaatlari bilan bog‘liq masalalar ko‘rib chiqildi.
Mas’ul rahbarlarga, ayniqsa, viloyatning chekka hududlaridagi xonadonlarni kuz-qish mavsumida suyultirilgan gaz bilan uzluksiz ta’minlash, uzoq vaqtdan buyon gaz olmagan abonentlarni aniqlash hamda ularga qisqa muddatlarda gaz yetkazib berishni tashkil etish yuzasidan aniq topshiriqlar berildi.
