Surxondaryo va Mogilyov: hamkorlik yangi bosqichga chiqmoqda

Date:

Surxondaryo viloyati hokimi Ulug‘bek Qosimov rahbarligidagi voha delegatsiyasi Belarus Respublikasiga amaliy tashrif bilan bordi. Tashrif doirasida Mogilyov viloyati bilan savdo-iqtisodiy va boshqa yo‘nalishlardagi hamkorlikni kengaytirish masalalari muhokama qilindi.

Dastlab, viloyat hokimi Mogilyovdagi Shon-shuhrat maydonida joylashgan Abadiy olov yodgorligiga gul qo‘yib, ozodlik va tinchlik yo‘lida qurbon bo‘lganlar xotirasini yod etdi.

Shundan so‘ng Mogilyov viloyati ijroiya qo‘mitasi raisi Anatoliy Isachenko va Ulug‘bek Qosimov rahbarligida delegatsiyalarning kengaytirilgan tarkibdagi uchrashuvi o‘tkazildi. Unda ikki mamlakat o‘rtasidagi savdo-iqtisodiy, investitsiya, ijtimoiy va madaniy aloqalar izchil rivojlanayotgani qayd etildi.

Muloqotda Surxondaryo va Mogilyov viloyatlari o‘rtasida hududlararo hamkorlikni yo‘lga qo‘yish, o‘zaro savdo hajmini oshirish, investitsiya loyihalarini amalga oshirish, sanoat va qishloq xo‘jaligida kooperatsiyani rivojlantirish masalalariga alohida e’tibor qaratildi.

Uchrashuv yakunida hamkorlikning huquqiy asoslarini mustahkamlovchi hujjatlar imzolandi. Jumladan, savdo-iqtisodiy, ilmiy-texnikaviy va madaniy hamkorlik to‘g‘risidagi kelishuv hamda uni 2026–2028-yillarda amalga oshirish bo‘yicha “Yo‘l xaritasi” qabul qilindi.

Mazkur kelishuvlar ikki hudud o‘rtasidagi to‘g‘ridan to‘g‘ri aloqalarni kengaytirish, yangi qo‘shma loyihalarni amalga oshirish va o‘zaro manfaatli hamkorlikni yangi bosqichga olib chiqishga xizmat qiladi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun