Qashqadaryodagi gastrol safarini yakunlagan Surxondaryo viloyati qo‘g‘irchoq teatri ijodiy jamoasi Samarqand viloyatida gastrol safarini boshladi.
Dastlabki chiqishlar Oqdaryo tumanidagi maktabgacha ta’lim tashkilotlari tarbiyalanuvchilari uchun tashkil etilib, ularga “Musiqiy arava” musiqali dasturi namoyish etildi.
Dasturdan milliy qo‘g‘irchoqlar ishtirokidagi qiziqarli sahna ko‘rinishlari, quvnoq chiqishlar hamda bolalar bilan interfaol o‘yinlar o‘rin oldi. Tomoshalar kichkintoylarning katta qiziqishi va faol ishtiroki bilan o‘tdi.
Bolajonlarning beg‘ubor kulgisi va quvonchi ijodiy jamoaga ham ko‘tarinki kayfiyat bag‘ishladi.
