Sherobod tuman ichki ishlar bo‘limida tuman sudi tomonidan sayyor sud majlisi o‘tkazildi. Unda ichki ishlar bo‘limi rahbariyati, sud vakillari va mas’ul xodimlar ishtirok etdi.
Sayyor sudda ma’muriy huquqbuzarlik sodir etgan shaxslarga oid ishlar qonunchilikda belgilangan tartibda ko‘rib chiqildi. Jarayon davomida huquqbuzarliklarning kelib chiqish sabablari va ularga imkon bergan shart-sharoitlarni bartaraf etish, fuqarolarning huquq va qonuniy manfaatlarini ta’minlash masalalariga e’tibor qaratildi.
Shuningdek, qonuniylik va adolat tamoyillariga rioya etish, huquqbuzarliklarning oldini olish hamda fuqarolarning huquqiy savodxonligini oshirish yuzasidan tushuntirishlar berildi.
Bunday sayyor sud majlislari huquqbuzarliklar profilaktikasini kuchaytirish, qonun ustuvorligini ta’minlash va aholining sud-huquq tizimiga bo‘lgan ishonchini mustahkamlashga xizmat qiladi.
