Termiz davlat pedagogika institutida 2026/2027-o‘quv yilida talabalikka qabul qilingan yoshlarni tantanali kutib olish marosimi bo‘lib o‘tdi.
Tadbir Davlat madhiyasi bilan boshlandi. Institut rektori A. Xasanov yangi o‘quv yili va talabalik safiga qabul qilingan yoshlarni muborakbod etdi. Yuqori ball bilan o‘qishga kirgan talabalar hamda ularning ota-onalariga institut rahbariyati tomonidan tashakkurnomalar topshirildi.
Marosimda harbiy xizmatchilarning jangovar tayyorgarlik namoyishi, faxriy qorovul chiqishlari va harbiy orkestr ijrosi tadbirga o‘zgacha ruh bag‘ishladi.
Shuningdek, Mustaqillikning 35 yilligiga bag‘ishlangan “35 yil — 35 yutuq”, “35 yil — 35 kitob”, “Vatan fidoyilari”, “Bir Vatan — bir oila” hamda “Mening institutim — mening Vatanim” ko‘rgazmalari tashkil etildi.
Bayram tadbiri Musiqiy ta’lim yo‘nalishi talabalarining milliy raqslari va zamonaviy estrada qo‘shiqlari bilan davom etdi.
