Yoshlarning bo‘sh vaqtini mazmunli tashkil etish, ularning sport va jamoaviy faolligini oshirishga qaratilgan “Besh tashabbus olimpiadasi” doirasidagi musobaqalar yoshlar uchun o‘z iqtidor va mahoratini namoyon etishning muhim maydoniga aylanmoqda.
Davlat xavfsizlik xizmati kubogi musobaqalarining viloyat bosqichida Denov tumanining “Tasmasoy” jamoasi munosib ishtirok etib, yuqori natijani qayd etdi.
Tuman bosqichidan muvaffaqiyatli o‘tgan jamoa viloyat miqyosidagi bellashuvlarda ham jamoaviy birdamlik, mahorat va g‘alabaga bo‘lgan qat’iyatini namoyon etdi. Yakunda “Tasmasoy” jamoasi respublika bosqichida ishtirok etish huquqini qo‘lga kiritdi.
Ushbu natija Denov yoshlari uchun navbatdagi muhim yutuq bo‘lib, ularning sportga bo‘lgan qiziqishi, faolligi va yangi marralar sari intilishining yorqin ifodasidir.
