Bog‘cha yangi qiyofada

Date:

Yosh avlod uchun munosib ta’lim-tarbiya va qulay sharoitlar yaratish mamlakatimizda amalga oshirilayotgan bunyodkorlik ishlarining muhim yo‘nalishlaridan biridir. Mustaqilligimizning 35 yilligi arafasida Termiz shahrida bu boradagi yana bir muhim loyiha hayotga tatbiq etildi.

Shahardagi 6-sonli davlat maktabgacha ta’lim tashkiloti Investitsiya dasturi doirasida 3,4 milliard so‘m mablag‘ evaziga to‘liq ta’mirlanib, foydalanishga topshirildi.

Ta’mirlash ishlari natijasida bog‘chaning sig‘imi 100 nafardan 150 nafarga oshirildi. Muassasada bolalar uchun zamonaviy mashg‘ulot xonalari, yangi jihozlar va o‘yin maydonchalari barpo etildi. Shuningdek, yangi oshxona va kir yuvish xonasi tashkil qilinib, energiya tejamkorligini ta’minlash maqsadida quyosh panellari o‘rnatildi.

Yangi qiyofa kasb etgan bog‘cha kichkintoylarning sifatli ta’lim-tarbiya olishi, xavfsiz va qulay sharoitda ulg‘ayishi uchun xizmat qiladi.

Bu kabi loyihalar maktabgacha ta’lim qamrovini kengaytirish bilan birga, bolalar uchun munosib sharoit yaratish va kelajak avlodga e’tiborni amaliy ishlar bilan namoyon etishning yorqin ifodasidir.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun