Bandixon tumanida zamonaviy infratuzilmani rivojlantirish va davlat xizmatlari sifatini oshirishga qaratilgan navbatdagi bunyodkorlik loyihasi yakunlandi. Umumiy qiymati 3,9 milliard so‘mlik yangi ma’muriy bino foydalanishga topshirildi.
Zamonaviy va barcha zarur sharoitlarga ega bino soliq tizimi xodimlari uchun munosib mehnat sharoitlarini yaratish bilan birga, fuqarolarga ko‘rsatiladigan xizmatlarning qulayligi va samaradorligini oshirish imkonini beradi.
Yangi binoning foydalanishga topshirilishi Vatanimiz mustaqilligining 35 yillik bayrami arafasida amalga oshirilgan muhim bunyodkorlik ishlaridan biri bo‘ldi.
Endilikda bu yerda fuqarolarga yanada qulay, ochiq va shaffof xizmat ko‘rsatish uchun zarur sharoitlar yaratiladi.
