O‘zbekiston Respublikasi davlat mustaqilligining 35 yilligi arafasida yurtga sadoqat, milliy qadriyatlar va mustaqillik g‘oyalarini keng targ‘ib etishga qaratilgan ma’naviy-ma’rifiy tadbirlar izchil davom etmoqda.
Shu munosabat bilan Madaniyat vazirligi tomonidan markaziy apparat hamda tizim tashkilotlari xodimlari o‘rtasida “Vatan haqida eng yaxshi esse” tanlovi o‘tkazildi. Ishtirokchilar Vatanga muhabbat, milliy qadriyatlar, mustaqillikning bebaho ne’mati hamda Yangi O‘zbekiston taraqqiyotini aks ettiruvchi ijodiy esselar bilan qatnashdilar.
Esselar tanlov nizomida belgilangan mezonlar asosida ekspertlar tomonidan baholanadi. Tanlov g‘oliblari Madaniyat vazirligining rasmiy sahifalarida e’lon qilinadi.
