Ta’lim sifatini oshirish, tizimda samarali boshqaruvni yo‘lga qo‘yish hamda fidoyi rahbarlarni rag‘batlantirish bugungi kunning muhim vazifalaridan biridir. Shu maqsadda Termiz iqtisodiyot va servis universiteti hamda viloyat maktabgacha va maktab ta’limi boshqarmasi hamkorligida o‘tkazilgan “Eng yaxshi tuman (shahar) maktabgacha va maktab ta’limi bo‘limi mudiri” tanlovi g‘oliblari tantanali ravishda taqdirlandi.
Tanlov yakunlariga ko‘ra, eng ko‘p ovoz to‘plagan uch nafar bo‘lim mudiri 30 million, 20 million va 10 million so‘mlik pul mukofotlari bilan taqdirlandi. Shuningdek, tanlovda faol ishtirok etgan barcha tuman va shahar maktabgacha hamda maktab ta’limi bo‘limi mudirlari 7 million so‘mdan pul mukofoti bilan rag‘batlantirildi.
Mazkur tashabbus ta’lim sohasida samarali faoliyat yuritayotgan rahbarlarni e’tirof etish, ularni yangi yutuqlarga ruhlantirish hamda ta’lim tizimida sog‘lom raqobat muhitini yanada mustahkamlashga xizmat qiladi.
