Surxondaryo viloyatida hududlarni kompleks rivojlantirish, aholi farovonligini oshirish hamda Prezidentimiz tomonidan belgilangan vazifalar ijrosini samarali ta’minlash masalalari navbatdagi yig‘ilishda muhokama qilindi.
Seminar yakunida viloyat hokimi Ulug‘bek Qosimov raisligida o‘tkazilgan yig‘ilishda shahar va tuman hokimlari hamda mas’ul rahbarlar ishtirok etdi. Unda videoselektor yig‘ilishlarida belgilangan topshiriqlar ijrosini jadallashtirish, mahallalarda obodonlashtirish va bunyodkorlik ishlarini kuchaytirish, aholi bandligini ta’minlash, tomorqalardan samarali foydalanish orqali oilalar daromadini oshirish va kambag‘allikni qisqartirish bo‘yicha ustuvor vazifalar belgilandi.
Shuningdek, har bir mahallada manzilli ishlashni kuchaytirish, amalga oshirilayotgan ishlar sifatini oshirish hamda topshiriqlar ijrosini qat’iy nazorat qilish yuzasidan shahar va tuman hokimlariga aniq ko‘rsatmalar berildi.
